Joriy yilning 25-avgust kuni viloyat statistika boshqarmasi tizimida “Huquqiy bilimlar kuni” doirasida Oʻzbekiston Respublikasi qonun hujjatlari ma’lumotlarining milliy bazasi - “Lex.uz”dan olingan normativ-huquqiy hujjatlar muhokamasi yuzasidan videoaloqa orqali oʻquv mashgʻuloti oʻtkazildi. Unda, avgust oyida yangi qabul qilingan ayrim normativ-huquqiy hujjatlar mazmunida qisqacha toʻxtalib oʻtildi. Jumladan, 2025-yil 6–avgustdagi “Hayvonlarni identifikatsiya qilish, roʻyxatga olish va kuzatish toʻgʻrisida”gi OʻRQ-1079-son, 8–avgustdagi “Oʻzbekiston Respublikasining ayrim qonun hujjatlariga oʻzgartirish va qoʻshimchalar kiritish toʻgʻrisida”gi OʻRQ-1080-son, 15–avgustdagi “Oʻzbekiston Respublikasining ayrim qonun hujjatlariga Jinoyat protsessida majburlov choralari instituti takomillashtirilayotganligi munosabati bilan qoʻshimcha va oʻzgartirishlar kiritish toʻgʻrisida”gi OʻRQ-1081-son Qonunlari va boshqa qonun hujjatlari haqida gapirib oʻtildi.
Oʻquv mashgʻuloti davomida mazkur hujjatlar yuzasidan xodimlar oʻz fikr-mulohazalarini bildirishdi.